- 06.06.2026
- 46
- нет
Үрүҥ Буур — оҕо былаһаакката
- Бэс ыйын 5 күнэ. Хатырык нэһилиэгин культура тэрилтэлэрэ кыттыһан быйыл “Үрүҥ Буур” оҕолорго тиэргэн былаһааккатын тэрийэн үлэлэтэн эрэбит. Былаһааккабытыгар баҕалаах оҕолору эбээлэрэ, төрөппүттэрэ суруйтаран 9-12 саастаах оҕолору мустубут. Бастакы күн “Сайдам” культура Дьиэтэ, олохтоох библиотека уонна музей үлэһиттэрэ оҕолору библиотека ааҕар саалатыгар көрүстүбүт. Лааҕырбыт сыала: “САХАЛЫЫ САҤАРЫАХ, САХАЛЫЫ ААҔЫАХ” диэн. Бастакы күн оҕолорбутун саха тылын төһө билэллэрин тургутан араас оонньуулары оонньоотубут, таабырыннары, ребустары, өс хоһооннорун билистибит, интеллектуальнай оонньууларынан аралдьыттыбыт. Минньигэс “ҮРҮҤ БУУР” тордунан күндүлээтибит.
- Иккис күммүт. Бэс ыйын 6 күнэ “Пушкинскай күн” чэрчитинэн ааста. Бу күн оҕолорбут музейга сылдьан А.С.Пушкин “Балык уонна Балыксыт” туһунан остуоруйа сахалыы бастакы алпаабытынан тылбаастанан тахсыбыт кинигэтин сэргээн көрдүлэр. Музей үлэһитэ Н. Лукинова кэпсээнин иһиттилэр. Пушкин хоһоонун М.Аммосов памятнигын таһыгар туран аахтылар. Бу күн туойунан магнитка оҥоруу маастар кылааһыгар Н.Атласов аатынан оҕо искусство оскуолатын уһуйааччыта Иванова Анисия Иннокентьевнаҕа сырыттыбыт. Былаһаакка үлэлиир кэмигэр ааҕыахтаах кинигэлэрбитин таллыбыт.
- ИККИС КҮН
Если вам понравилась статья, не забудьте нажать на сердечко
13
Посмотрите так же
Предыдущая статья:
Удовлетворенность граждан работой государственных и муниципальных организаций культуры, искусства и народного творчества
История библиотеки