Хатырыкская сельская модельная библиотека им. М.А.Охлопковой

Бастыҥ кырдьаҕас, сүдү киһи тутааччы Николай Николаевич Аммосов. Кини пенсияҕа да олордор туһата баһаам. Николай Николаевич модьуйан, дьулуурдаах үлэтинэн Хатырыкка “Үүттүгэннээх” сайылык тутуллубута.

ОЛ КЭМНЭЭҔИ ХАҺЫАТ ЫСТАТЫЙАТЫТТАН: “Хатырык кэрэ мааны миэстэтиттэн бииригэр, Балтыһах диэн былыргыттан аатырар-сураҕырар дэлэй баайы тэбэ турар, үүт-сүөгэй үрүмэлии сүүрэр сүмэһиннээх оттоох хонуутугар быйыл үбүлүөйүнэй сылы көрсө, кэрэ бэлиэ  датаны уруйдуу “Үүттүгэннээх” сайылык тутуллан үлэҕэ киирдэ.” Үүттүгэннээх” сайылыгы туттулар М. Аммосов колхоз дьулуурдара уостубат, чэрдээх илиилэрин, быччыҥнарын күүрэн үлэлээтилэр Аммосов Николай Николаевич, Корякин Дмитрий Егорович, Суханов Василий Васильевич, Поротов Василий Николаевич, Иванов Василий Сергеевич.

Сайылык үөрүүлээх аһыллыытыгар үөрүүлээх митинг буолла. Митини колхоз бэрэссэдээтэлэ Егор Павлович Рехлясов аста. Мунньахха дакылаат оҥордо СГУ студена Дмитрий Алексеев. Тыл этилэр колхоз бастыҥ ыанньыксыта Винокурова Ульяна , ыанньыксыт А. Брыканова Модут , биир идэлээхтэрин эҕэрдэлээтэ, ситиһиини баҕарда. Партком сэкэрэтээрэ Сивцев Н . И ., Платонов С. Н. саҥа тутуунан эҕэрдэлээн ситиһиилэри, инники кирбиини ылалларын, инники соруктары туруордулар. Ол кэнниттэн бастын ыанньыксыттарга грамоталары дипломнары үөрүүлээх быһыыга майгыга туттардылар., инники соруктарын дьүүллэстилэр, быһаарыстылар, атыы-тутуу буолла”.

Мария Алексеевна маннык ааттаах фотоальбому оҥорон хаалларбыта үйэлэргэ сүппэт история.

Антонова Ульяна Николаевна, М.А.Охлопкова аатынан Хатырык модельнай библиотекатын сэбиэдиссэйэ, СӨ култууратын туйгуна