Хатырыкская сельская модельная библиотека им. М.А.Охлопковой

Маннык ааттаах фотоальбом 1965 сыллаахха оҥоһуллубут. Альбом бастакы сирэйигэр “Хатырык нэһилиэгин олохтоох Советын биир сыллаах үлэтин түмүк отчуота” киирбит. Отчуот ахсынньы ый 31 күнүгэр 1965 сыллаахха суруллубут.

Отчуот иһин көрдөххө машинканан бэчээттэмит 8 страницалаах. Олохтоох Совет ыыппыт үлэтэ бэчээттэммит. Совет үлэтин былаана, исполком үлэтэ, постояннай комиссия үлэлэрэ ырылыччы суруллубуттар.

Холобура: Депутаттар быыбардааччыларын кытта үлэлэрэ – диэн разделга маннык суруллубут: “Депутат Күнэ ыытылынна. Тэрээһин боппуруостары дьүүллэһиигэ биирдэ 23 депутат кыттыыны ылла. Депутаттар быыбардааччыларын кытта көрүстүлэр. Барыта 24 депутат. Биир депутат ыалдьарынан сибээстээн быыбардааччыларын кытта кыайан көрсүбэтэ”.

• “Нэһилиэк үбүн планын туолуута.

Бюджет дохуотун туолуута 49380 солк. Плана туолла 51543 солк. 103,7%.

Ис түһээн үбэ хомулунна. Плана – 304 солк. Туолла–304 солк. 100%.

Обязательнай страховка плана 822 солк. Туолла 822 солк. 100 %.

Хатырык Советын биир сыллаах тэрийэр хозяйственнай үлэтин кылгас түмүгэ бүттэ. Отчуоту суруйда совет председателэ

Предс сельсовета  Леонтьева А.П.

Секретарь сельсовета: Аммосова А.Н.”

Колхоз үлэтин ыанньыксыттарын сыллааҕы көрдөрүүтэ, эт-үүт валовай көрдөрүүлэрэ, государствоҕа туттарыы , төрүөҕү ылыы, оттооһун көрдөрүүлэрэ таблицанан  суруллан киирбиттэр.

Маны таһынан элбэх хаартыскалары көрөн оччотооҕу кэми ахтан-санаан ылыаҕыҥ.

Хаартыскалар кэннилэриттэн  1965 сыллаахха тахсыбыт ыстатыйалар киирбиттэр. Ыстатыйалары араас дьон суруйбуттар. Ордук элбэхтик А.Дьяконов суруйар эбит. М.А.Охлопкова критическэй да, хайҕабыллаах да ыстатыйалара бааллар.

Любовь Ивановна Васильева, М.А.Охлопкова аатынан модельнай библиотека үлэһитэ,

СӨ култууратын үтүөлээх үлэһитэ