Хатырыкская сельская модельная библиотека им. М.А.Охлопковой

В.И.Ленин төрөөбүтэ 100 сылыгар анаан “Килбиэннээх үлэтин иһин” юбилейнай мэтээлинэн наҕараадаламмыттарга аналлаах фотоальбом оҥоһуллубут. Барыта 19 хаартыска киирбит. Сорохторго кинилэр тустарынан хаһыакка тахсыбыт ыстатыйалар сыһыарыллыбыттар. 3 киһи хаартыскалара  суох. Оччотооҕу кэмҥэ бу улахан наҕарааданы бастыҥ үлэһиттэргэ эрэ туттардахтара. Ол кэмтэн номнуо 54 сыл ааһа охсубут. Владимир Ильич Ленин аата оччолорго ньиргиэрдээхтик ааттанар, коммунистическай партия идеаллара өйтөн сүппэт кэмнэрэ этилэр.

Бу альбомҥа Маймаҕа производствотын командира Собакин Николай Филиппович туһунан “Ленин Суола”  1974 сыллаахха И.Егоров суруйбут ыстатыйата  баар. Ыстатыйа аата “Биригэдьиир” диэн. Кини Аҕа дойду улуу сэриитин снайпера, биригэдьииринэн үйэ чиэппэрэ үлэлээбит. Дьоно-сэргэтэ таптаан, убаастаан :Ньукуус диэн ыҥыраллар эбит. Сиһилии билиэххин баҕардаххына биһиэхэ библиотекаҕа кэлэн ааҕар саалаҕа ааҕыаххытын сөп.

Любовь Ивановна Васильева, М.А.Охлопкова аатынан модельнай библиотека үлэһитэ,

СӨ култууратын үтүөлээх үлэһитэ