Хатырыкская сельская модельная библиотека им. М.А.Охлопковой

Бүгүҥҥү күммүт сарсыарда 10.00 чаастан эрдэ кэлбит оҕолор кинигэ көрөн 10-ча мүнүүтэ доҕотторбутун кэтэстибит. Ол кэннэ Любовь Ивановна бүгүҥҥү күҥҥэ тугу гыныахтаахпытын, квест оонньуу туһунан быһааран кэпсээтэ. Бүгүҥҥү оонньуубут “МАКСИМ АММОСОВ ПААМАТЫННЬЫКТАРА” диэн теманан ыытылынна. Оҕолорго музей үлэһитэ Надежда Лукинова Максим Аммосов олоро сылдьыбыт, үлэлээбит сирдэрин картаҕа көрдөрөн кэпсээтэ уонна бастакы сорудаҕы хантан ылары эттэ. Ол кэннэ музей тиэргэнигэр турар памятниктан саҕалаан 6 буукубаны булан ФРУНЗЕ куорат аатын булан, Максим Кирович үлэлээбит  куоратыгар турар памятник хаартыскатын көрдүбүт.   

Надежда Ивановна саҕалаата. Ф сорудаҕа музей памятнигар. СОРУДАХ  — БИБЛИОТЕКА. Детскэй отделыгар  халлаан күөх улахан стеллажка “Чапаев” кинигэ авторын фамилиятын бастакы буукубата.

Н сорудаҕа библиотека ааҕар саалатыгар турар АММОСОВ бронза бюһун анныгар баар. СОРУДАХ: АБОНЕМЕНТ СААЛАТА. Максим Аммосовка аналлаах быыстапка аатын бастакы буукубата 

З сорудаҕын музей сэргэтиттэн ылаллар. СОРУДАХ: КСМФЦ- га киирдэххэ уҥа диэки иккис аан 3-с буукубата.

Р сорудаҕа кулуупка турар памятникка баар – СОРУДАХ:  Ю.Третьяков автордаах “Андрейка и лодырь Ромашка” кинигэ 129 страницатын кэпсээнин аатын 1 буукубата

Е сорудаҕын М.Аммосов  уулуссатыгар баар Дьокуускай куораттан 117 км. ыраах турар маҕаһыынтан киирэн эргэ батарейкалары мунньар дьааһык анныттан булаҕыт: СОРУДАХ: Музей иһиттэн Петр I Укааһын ойоҕоһуттан ыл.

У сорудаҕа оскуола тиэргэнигэр турар памятникка – СОРУДАХ: Детскэй отделга: ФОНАРЬ анныттан кинигэ аатын 9-с буукубата.

Бу маннык онньууну оонньоон, төттөрү таары сүүрэн-көтөн, сылайан библиотекабытыгар кэлэн сок иһэн, минньигэс бичиэнньэ сиэн бүгүҥҥү күммүт түмүктэннэ.

БҮГҮҤҤҮ КҮММҮТ ТҮГЭННЭРИТТЭН