Хатырыкская сельская модельная библиотека им. М.А.Охлопковой

17 чыыһылаҕа ыһыахха бэлэмнэнэн оҕолор салама оҥорууга көмөлөстүлэр, ыһыах тула кэпсэттибит. Оҕолорум көмө бөҕө дьон 10 араас өҥнөөх лиэнтэни быһан, түмүктэрин уотунан сиэтэн биэрдилэр. Онон биир үлэ түмүктэннэ. Салгыы ыһыах бэлэмигэр кулуупка сүүрдүлэр.

18-ка былаһааккабыт сабыллыыта буолла. Оҕолорбутугар сэмэй бэлэхтэрбитин туттардыбыт. Сахалыы ааҕар кинигэ, бэйэлэрин хаартыскаларынан магнитиктар уонна уопсай хаартыскаҕа “ҮРҮҤ БУУР-2026” былаһааккатыгар сылдьыбыт түгэннэрин өйдүү-саныы сырыттыннар диэн КУАР кодунан хаартыскалар.

Оҕолорбутун төрөппүттэрбитинээн бэлэмнээбит минньигэс астаах остуол тула олорон таабырын таайыстыбыт, былаһааккабыт туһунан туох өйдөбүл хаалбытын кэпсэттибит.

Настя Бочурова, Хатырык оскуолатын үөрэнээччитэ: Наһаа үчүгэйдик сырыттым, лапта оонньууну, Үрдүк Иирэ комплекска сылдьыбытын, уопсайынан хас күнэ барыта туһалаахтык ааспытыттан астыммытын эттэ.

Лиза, Вика Слепцовалар, Дьокуускай куорат 7-с оскуола үөрэнээччилэрэ, кинилэри кытта бырааттара Горнайтан Айсиэн: Дуоспуруннаах, билиилээх кыргыттар. Бырааттара сытыы-хотуу уол арыый эрдэ Бэрдьигэстээххэ барбыта. Кыргыттар өссө да сылдьыахтарын баҕаралларын, былаһааккаттан астыммыттарын эттилэр.

Валера Охлопков. Ном оскуолатыттан сылдьар, бэйэбит уолбут:  Саамай сөбүлээбэтэҕим тугун этэбин дуо? , – диэн баран: кинигэ ааҕарбын, – диэн барыбытын күллэртээтэ.

Покровскай уолаттара бырааттыы  Мичил Соропов, Алгыс Ефремов: Сэмэй баҕайы уолаттар, күн аайы сырыттылар. Барыласка баран иһэн эһээлэрэ оҥорбут «Таптыыр сири-Хатырык» бэлиэни билэллэриттэн астынным. Эһиил эмиэ кэлиэхпит, – диэн үөртүлэр.

Никулин Борислав, Дьокуускайтан саха гимназия үөрэнээччитэ: кыратык кыбыстанньаҥ этэ бастаан, онтон кэлин үөрэнэн, уолаттардыын доҕордоһон биир да күнү көтүппэккэ сырытта, сылдьарын тухары ону-маны көрдүүрүн сөбүлүүр эбит. Наһаа үчүгэйдик сырыттым диэтэ.

Оҕолор Үрдүк Иирэҕэ, Барыласка, сынньалаҥ пааркатыгар, квест оонньуубутун, туойунан оҥоһуктарын олус сөбүлээбиттэрин, астык күннэри атаарбыттарын эппиттэриттэн бэйэбит да үөрдүбүт. Уопсайынан оҕолорбутуттан, төрөппүттэрбититтэн, эбээлэрбититтэн  олус астынныбыт.  Бука барыгытыгар барҕа махтал! “ҮРДҮК ИИРЭ”-ҕэ эһиил көрсүөххэ диэри!!!

Былаһаакка сабыллыытын хаартысканан киирэн көр: https://disk.yandex.ru/d/SqaKaHyAizLrZQ