Хатырыкская сельская модельная библиотека им. М.А.Охлопковой

Бүгүн библиотекаҕа сырыттыбыт 11 чааска дылы. Оҕолорбутунаан сахалыы “ДЬЭРЭКЭЭН ТЫРЫЫҤКА” уонна “САХА ЭЙГЭТЭ” оҕону сайыннарар лотуонан оонньоотубут. Оҕолор Жанна Барашкова “Куобахчаан кэпсээнэ” кинигэтиттэн икки кэпсээни аахпыттарын, тугу өйдөөбөтөхтөрүн библиотекардар быһааран кэпсэтии буолан ааста. Салгыы “Сайдам” норуот айымньытын Дьиэтин дьарыгар сырыттылар.

Биһиги бэҕэһээ “Үрдүк Иирэ” историко-архитектурнай комплекска баран бохуоттаан кэллибит. Онно бу комплекс салайааччыларыттан биирдэстэрэ, нэһилиэкпитигэр баһылыгынан үлэлии сылдьыбыт, өр кэмнэргэ араас салайар үлэҕэ үлэлээбит, историк идэлээх  Уваров  Николай Робертович көрүстэ, оҕолорго бу тутуулар тустарын, бу дьиэлэр туохха ананан тутуллубуттарын туһунан бэртээхэй бэсиэдэ оҥордо.

Саамай хорсуннар үөһэ башняҕа тахса сырыттылар.  Ульяна Николаевна минньигэс миинин оҕолор эбээлэрэ астаабыт минньигэс астарынан эбиэттээтибит. Оҕолорго “Сааһыт уонна кустар”, “Элиэ уонна кууруссалар”, лапта оонньуу тэрийэн кырдалга сүүрэн-көтөн астынан кэллибит. Лапта оонньууну оҕолор сүрдээҕин сэргээтилэр.

Салгыы  хаартыскаларда көрүҥ.