Хатырыкская сельская модельная библиотека им. М.А.Охлопковой

Мария Алексеевна оройуонунан, республиканан туруорсан саҥалыы тииптээх  библиотеканы туттарары ситиспитэ. Манна элбэх сыратын-сылбатын биэрбитэ, үбүн-харчытын буларга элбэхтик куоратынан, оройуонунан баран-кэлэн син туруорбут сыалын ситиһэн библиотекатын туттарбыта. Библиотека ис үлэтигэр үрүн, муостатын бүрүйтэрэн, кырааскалаан үлэ бөҕө барбыта. Маны барытын Мария Алексеевна тус бэйэтэ сүүрэн-көтөн, булан-талан, үлэһиттэри түмэн, салайан библиотекатын үлэҕэ киллэттэрбитэ. Аны саҥа оборудованиены, кинигэ стеллажтарын, остуоллары, олоппостору – барыта саҥа мебели, лаампатыгар, шторатыгар тиийэ туруорсан, булан-талан таһааран, таҥан туруортарбыта.

Детскэй отделение астаран, олох кыра саастааах оҕолорго аналлаах туспа хоһу художник ыҥыран, остуоруйа персонажарын уруһуйдаппыта, кырачааннарга бэлэх буолбута. Кинилэргэ анаан сөптөөх остуол, олоппос аҕалыллыбыта.

Антонова Ульяна Николаевна, М.А.Охлопкова аатынан Хатырык модельнай библиотекатын сэбиэдиссэйэ, СӨ култууратын туйгуна