Хатырыкская сельская модельная библиотека им. М.А.Охлопковой

Библиотека көрдөрөн агитация үчүгэйдик үлэлиир, системалаахтык ыытыллар. Араас библиотечнай плакаттар тыа хаһаайыстыбатын бастыҥнарын опыта, “Кинилэр Советскай былааһы олохтообуттара”, ”Киниттэн үөрэниҥ” диэн ыанньыксыт Пахомоваҕа анаан фотомонтаж, Социалистическай үлэ Геройа Бурцеваҕа анаан фотомонтаж, 10 кылааһы бүтэрээччилэргэ  “Партия ыҥырыытын ылынан” диэн стэндэ, ”Бастакы 1000 кирбиини ылбыттар”, уонна араас передвижной выставкалар, плакаттар, лозуннар оҥоһуллаллар, фотовыставкалар совхоз бастыҥ үлэһиттэрин сырдаталлар. Итини таһынан көрдөрөн агитация аҥардас библиотека иһинэн эрэ буолбакка , совхоз, сельсовет хонтуораларыгар, сайыҥҥы отууларга, фермаларга оҥоһуллаллар. Эбэһээтилистибэлэрин толорбокко хаалан иһэр уонна бэрээдэги кэһэр, итириктиир колхозтаахтарга аналлаах сатирическай плакаттар оҥоһуллаллар. Көрдөрөн агитация маннык чопчу олохтоох темаларга оҥоһуллуута колхоз производствотын өрө көтөҕөргө көмө буолара саарбаҕа суох. Кылгас, сытыы тыллаах, чаҕылхай ойуулаах плакаттар, лозуннар быһаччы биригээдэлэргэ, фермаларга ыйаналлар.

Антонова Ульяна Николаевна, М.А.Охлопкова аатынан Хатырык модельнай библиотекатын сэбиэдиссэйэ, СӨ култууратын туйгуна