Хатырыкская сельская модельная библиотека им. М.А.Охлопковой

Мария Алексеевна нэһилиэккэ бастыҥ фотограф этэ. Кини фотоаппаратын куруук сүгэ сылдьара. Ханна да сырыттар, үлэтигэр туһанаары,  элбэхтик хаартыскаҕа  түһэрэрэ. Көрсүһүүлэри,  субботниктары, практиканнары, үлэ дьонун, аймахтарын түһэрэрэ. Ордук айылҕаҕа сылдьан түһэрэрин сөбүлүүрэ. Бэйэтэ бэчээттиирэ.  Библиотекаҕа, музейга элбэх фотоальбмнары, фотомонтажтары оҥорбута. Ханнык баҕарар хаартыска анныгар моменыгар, дьон характерыгар, событиеҕа сеп түбэһэр хоһоон суруйан комментарийдаан биэрэрэ. Ол курдук , “Хатырык нэһилиэгин бастыҥ үлэһиттэрэ” диэн альбомҥа  50-тан тахса сүөһү көрөөччүлэр, хонуу үлэһиттэрин, үчүгэй үлэлээх эмчиттэр, учууталлар хаартыскалара киирбиттэр.”Хатырык ыччата” – диэн альбомҥа сэттис-онус кылааһы бүтэрэн баран комсомол путевкатынан үлэлии сылдьар ыччаттар киирбиттэр. Ыччаттар үлэлэрин опытын кылгастык суруйбута ордук табыгастаах. “Хатырык орто оскуолата”, “Хатырыктааҕы учаастак балыыһата”, “Хатырык сельскэй библиотеката” итинтэн да атын 40-тан тахса араас альбомнар бааллар. Кини оҥорбут фотальбомнара билигин сыаналаах кылаат курдук хараллан тураллар, өйдөбүнньүк буолан ааҕааччы хамаҕатык туттар.

Антонова Ульяна Николаевна, М.А.Охлопкова аатынан Хатырык модельнай библиотекатын сэбиэдиссэйэ, СӨ култууратын туйгуна