Хатырыкская сельская модельная библиотека им. М.А.Охлопковой

В.М. Бочкарев, В.И.Никитин автордаах кып кыракый брошюра  биһиги кинигэбит быыстапкатыгар турар. Бу 1962 сыллаахха Нам типографията сахалыы тылынан 400 экземплярынан бэчээттэнэн тахсыбыт брошюра. Киэбэ-кээмэйэ диэн аныгылыы эттэххэ А6, блокнот саҕа кээмэйдээх, 8 страницалаах брошюра.   Библиотекарь Мария Охлопкова диэн ааттаах. Брошюра 1962 сыллаахха тахсыбыт. Редактор: Корякина В.И.

Бу брошюра Мария Алексеевна үлэтин опытын туһунан сырдатыы. Кини 6-с сылын үлэлии сылдьар диэтэххэ ааҕааччы ахсаанын икки төгүл, кинигэ фондатын икки төгүл улаатыннарбыт. Нэһилиэк активыгар тирэҕирэн элбэх хайысхалаах үлэни ыытара кэпсэнэр. Оччотооҕу коммунистическай партия ыытар линиятын халбаҥнаабакка тутуһара ырылыччы көстөр. Саамай кэрэхсэбиллээҕэ кини ыытар үлэтэ ыччакка, оҕолорго олус туһалаабыта саарбаҕа суох.

Мария Алексеевна библиотекарь идэтин баһылыаҕыттан үлэтэ киэҥ биһирэбили ылан республикаҕа киэҥник биллибитэ, тарҕаммыта. Бүгүн ытыс саҕа да буоллар 1962 сыллаахха бэчээттэнэн тахсыбыт брошюраны билсиэҕиҥ.