Хатырыкская сельская модельная библиотека им. М.А.Охлопковой

«Саха суруйааччылара» альбом 1960 с. оҥоһуллубут. В. И. Ленин, Күндэ цитаталарынан саҕаламмыт. Альбом объема улахан, “Саха суруйааччылара” диэн улахан шрибинэн, растительнай орнаменнаан оҥорбут.

И.Г. Теплоухов-Тимофеев бастакынан киирбит, хаартыската. «Куруубай хааннаах Кулун Куллустуур» олоҥхотун кинигэтин цветной кыраасканан үтүгүннэрэн оҥорбут.

Уонна саха литературатын төрүттээччи, Кулаковскай А. Е., кылгас биографията, айар үлэтин туһунан информация , «Ырыалар хоһооннор» кинигэтэ ойууламмыт.

Бу курдук саха суруйааччыларын  хаартыскаларын, биографияларын, айар үлэлэрин туһунан, кинигэлэрин, ол кэминээҕи суруйааччылары барыларын киллэрбит. Бүтэһик страницаҕа саха суруйааччыларын коллективнай хаартыскалара уонна Москваҕа колоннай залга саха суруйааччыыларыгар аналлаах тэрээһиҥҥэ саха суруйааччыларын айымньыларыттан народнай артист М. Астахов ааҕа турар хаартыската киирбит. Альбом рекомендательнай,  иллюстрированнай испииһэк курдук. Сүрдээх учугэйдик, кинигэлэрин уруһуйа цветной, акварелинэн уруһуйдаммыт,  киһи көрдө да бу кинигэлэри ааҕарын курдук оҥоһуллубут.

Антонова Ульяна Николаевна, М.А.Охлопкова аатынан Хатырык модельнай библиотекатын сэбиэдиссэйэ, СӨ култууратын туйгуна