Хатырыкская сельская модельная библиотека им. М.А.Охлопковой

Билиҥҥи кэмҥэ бырайыактыыр үлэ ирдэбилэ хас биирдии культура үлэһитигэр тиийэ турар буолла. Оттон биһиги, Мария Алексеевна бырайыактыыр үлэни оччоттон баһылаабыта диэтэхпитинэ сыыспаппыт буолуо. Кини кинигэни ааҕары чопчу темаларынан араартыыра, нэһилиэнньэҕэ тиийимтиэ, өйдөнүмтүө гына оҥорон олоҕу кытта сатаан сибээстиирэ.

Бу мин иннибэр илиинэн суруллубут күөх тэтэрээт сытар. Бү тэтэрээт  1970 с. оҥоһуллубут. Мария Алексеевна ыраас буочарынан темаларынан плакаттарга, лозуннарга суруллуохтаах тыл-өс, партия ыҥырыылара, Ленин цитаталара, отчуттарга, ыанньыксыттарга аналлаах соруктар, стендэлэр, монтажтар схемалара, хас метрэ, см. буолара барыта сурулла, ааҕылла сылдьар. Куораттан тугу ылыахтаах испииһэгэ, отчуттар саккаастара барыта бу тэтэрээккэ баар.

Кини барытын эрдэттэн былааннаан, аныгылыы эттэххэ бырайыактаан оҥорбута хас биирдии киһини сэҥээрдиэ дии саныыбыт. Бу тэтэрээт биһиги библиотекабыт ааспыт үйэ 70-с сыллардааҕы кэмин кэрэһитэ буолан ууруллуа сытар.

Антонова Ульяна Николаевна, М.А.Охлопкова аатынан Хатырык модельнай библиотекатын сэбиэдиссэйэ, СӨ култууратын туйгуна