Хатырыкская сельская модельная библиотека им. М.А.Охлопковой

1966 с.библиотекаҕа киирбит киһи нэһилиэк олоҕун-дьаһаҕын ымпыгар-чымпыгар тиийэ билсэн тахсыан сөбө. Ол курдук колхоз туох хаһаайыстыбалааҕын, хас ыанньыксыттааҕын, механизатордааҕын, хайа сылга ханнык тутуулар барбыттарын, хас биирдии биригээдэ ыйдарынан көрдөрүүлэрин, колхоз үлэ былаанын хайдах толорон иһэрин барытын билэн тахсыан сөп.

Ону таһынан бастыҥ үлэлээх колхозтаахтар тустарынан кэпсиир стендэлэр альбомнар оҥоһуллубуттар. Олортон биирдэстэрэ Саха АССР түүлээҕин промышленноһын туйгуна Павел Петрович Охлопков туһунан фотоальбом буолар. Фотоальбомҥа Павел Охлопков туһунан ыстатыйалар уонна саха биллиилээх оператора, Николай Сантаев түһэрбит хаартыскалара киирбиттэр.

Павел Петрович булчут эрэ буолбакка уус быһыытынан эмиэ биллэр эбит. Николай Сантаев 60 с сыллар саҥаларыгар  чороон оҥоро олорорун устан үйэтиппит үтүөлээх .

Павел Петрович туһунан сиэн балта Раиса маннык кэпсиир: Кыра сылдьан акка мэҥэстэн бултуу барыахпын олус баҕарарым, ону хаһан да илдьибэт, утуйа сыттахпына баран хаалбыт буолара. Наһаа сайыһарым иһин буолуо, биирдэ күһүн илдьэ барда. Мин ырыа-тойук бөҕө, эһэм пааркаҕа тиийэн баран атыттан түһэрдэ уонна : Дьиэҕэр бар диэтэ,– ытаан-ытаан баран төнүннэҕим дии,– диэн күлэ-күлэ кэпсиир. Эһэм аах 13-тэ оҕоломмуттарыттан биир да оҕо тыыннаах хаалаахтаабатаҕа, ол иһин наар биһигини оҕолоһон тахсыбыттара. Эһэм бултуу бардаҕына эбээбитигэр тахсан хонор этибит. Миэхэ 5 кэппиэйкэ биэрдэҕиниэ мин саха дьоллоох киһи суох буолара, Павлик хонноҕуна 1 эбэтэр 3 солк, убайбар 5 солк. буолара. Ону эмээхсиҥҥэ инник диэтэхпинэ: уолаттар буоллаҕа дии, – диэн күлэн кэбиһэрэ.

Любовь Ивановна Васильева, М.А.Охлопкова аатынан модельнай библиотека үлэһитэ,

СӨ култууратын үтүөлээх үлэһитэ