Хатырыкская сельская модельная библиотека им. М.А.Охлопковой

Мария Алексеевна арыгыны, табаҕы, куһаҕан быһыылары, сымыйаны олох утарара. Иһэр-аһыыр, бэрээдэги кэһэр дьон туһунан элбэх хаһыаты таһааран хонтуораҕа дьон сылдьар, ааҕар сирдэригэр ыйаабыт буолара. Онно суруллубут дьон сүрдээҕин кыбысталлара, иккистээн суруллубат  туһугар кыһаллаллара. Нэһилиэккэ табаарыстыы суут солбуллубат бэрэссэдээтэлинэн сүүрбэттэн тахса сыл үлэлээбитэ, мөҕөрө-этэрэ, сүбэлиирэ. Кэлин сөпкө мөхпүккүн диэн махтаналлара, кини элбэх киһини көнөр суолга туруорбута.

Бу “Кыһа” хаһыаты 1980 с. таһаарбыт. Бу манна арыгыһыт обществоҕа буортутун, үлэни атахтыырын, дьахталларга арыгы  ордук кутталлааҕын, арыгы  куһаҕанын туһунан бэргэн тыллары,  киллэрбит.

1968-1979 сс. статистика киллэрбит, бу сылларга биһиги нэһилиэккэ арыгыттан 92 киһи эмтэммит, онтон көнө суолга 23 киһи киирбит. Общественнай бэрээдэк даннайдара -1978 с.:  уголовнай дьыалаҕа – 3 киһи, 1979 с. – 4 киһи, 1980 с. – 5 киһи.  Итирик туруктаах тутулуннулар – 11 киһи. Онтон сэрэтии ыллылар 6 киһи, ыстарааптаннылар – 5 киһи, миэлкэй күлүгээнистибэ 1980 с. – 5 киһи.

«Аҥардас бытыылканы батыһан олох дьэбэрэтигэр тимирбит эдэр ыччаттары өрө тардыаҕыҥ, үчүгэйгэ көҕүлүөҕүҥ!» — диэн бэргэн ыҥырыы тыллары суруйбут.

 Эдэр дьоҥҥо анаан : Эдэр эккэ-хааҥҥа, салгын олус туһалаах, хайыһарынан, походунан ыччат ылыс турунуулаахтык, өйгүн-санааҕын чэбдигирдэн олох эйгэтигэр эн үктэн, – диэн тылларынан түмүктээбит.

Антонова Ульяна Николаевна, М.А.Охлопкова аатынан Хатырык модельнай библиотекатын сэбиэдиссэйэ, СӨ култууратын туйгуна