Хатырыкская сельская модельная библиотека им. М.А.Охлопковой

Мария Алексеевна үгүс сыранан ылбыт идэтин ис сүрэҕиттэн сөбүлээн, дууһатынан ылынан үлэлээбитэ, ол да иһин кини үлэлээбит бибиотекатын үлэтэ улууска  эрэ буолбакка,республикаҕа киэҥник биллибитэ. Библиотекатын үлэтин-хамнаһын опыта бэчээккэ тахсан киэҥник тарҕаммыта, элбэх ыстатыйалар, очеркалар суруллубуттара.

Ол  курдук, 1962 с. Бочкарев В. М., Никитин В .И . Библиотекарь Мария Охлопкова диэн , Нам типографиятыгар 1962 с. 400 экз. тахсыбыта. Мария Алексеевна арааас өрүттээх үлэтин, кинигэ пропагандалааһыҥҥа, көрдөрөн агитацияҕа араас темаларга нэһилиэнньэҕэ тиийимтиэ, олоҕу кытта ситимниир, ону таһынан Боевой листоктары , ааҕааччыларын кытта утумнаах үлэтин, сайынын, кыһынын эргиччи производственнай учаастактары, хонуутааҕы отуулары, фермаларга дьону түмэн кинигэни пропагандалыырын, кыһыл муннуктры үлэлэтэр, үлэ көрдөрүүлэрин истиэнэ хаһыатыгар сырдатарын туһунан бу кинигэҕэ сырдатыллар.

А .П . Алексеева. Библиотека уонна ааҕааччы: Нам оройуонун Хатырык сельскэй библиотекатын опытыттан. – Дьокуускай, 1966 – 30 с.

Бу кинигэ 600 экз. тахсыбыт. Хатырык библиотекатын үлэтин  үчүгэй өрүттэрин кылгастык сырдатар. Мария Алексеевна үчүгэй үлэлээх библиотекарь эрэ буолбатах, кини колхоз, нэһилиэк олоҕор активнайдык кыттар. Кини агитпункт сэбиэдиссэйэ, Сардаҥа хаһыат редакциятын чилиэнэ, үчүгэй агитатор. Сыһыарыллыбыт Улахан Атамай ферматыгар политическай иитии үлэтин ыытар. Манна ыанньыксыттар, ньирэй көрөөччүлэр үлэлэрин көрдөрүүлэрэ күнүн аайы оҥоһуллан ыйанан иһэр. Бастыҥ опыт кинигэлэриттэн, хаһыаттартан дорҕоонноох ааҕыылар, бэсиэдэлэр тиһигин быспакка ыыталлаллар.

Мария Алексеевна ааспыт сылларга түөрт төгүл олохтоох совет депутатынан быыбарданан элбэх улэни ыыппыта. Депутат быһыытынан нэһилиэнньэ  кыһалҕатын билэр, көмөлөһөр киһинэн буолар.

 Бу кинигэҕэ: «Библиотека материальнай базата», «Ааҕаччылары кытта үлэ», «Библиотека уонна төрөөбүт кыраай»диэн  главаларга бу хайысхаларга барбыт үлэни сиһилии билсиэххитин сөп

Библиотечное обозрение. – 2004 — №4

Номер посвящается Охлопковой Марии Алексеевне.

Бу журналга материалы Евгения Афанасьевна Дьяконова үлэлии олорон  хомуйан биэрбитэ.

Кэлин бу материалларГА оло5уран ССРС культуратын туйгуна, САССР культуратын үтүөлээх үлэһитэ, Нам улууһун Бочуоттаах гражданина, тыыл уонна үлэ ветерана Мария Алексеевна Охлопкова туһунан, кини үтүө, сырдык олоҕо биһиэхэ барыбытыгар  үйэ-саас тухары холобур буоллун диэн Евгения Афанасьевна Дьяконова түмэн КИНИГЭ оҥорбута.

Антонова Ульяна Николаевна, М.А.Охлопкова аатынан Хатырык модельнай библиотекатын сэбиэдиссэйэ, СӨ култууратын туйгуна