Хатырыкская сельская модельная библиотека им. М.А.Охлопковой

1943-1944 сс. Хатырыкка ааҕар балаҕан сэбиэдиссэйинэн Тимофеева Аграфена Тимофеевна үлэлээбитэ. Ааҕар балаҕаҥҥа 100-тэн тахса эрэ кинигэлээҕэ, сэрии ыар сыллара буолан үлэлииргэ ыарахан этэ. Оскуола директора Местников Семен Андреевич, колхоз бухгалтера Эверстова Мария, совет председателэ Суздалов Иннокентий күүс-көмө буолаллара. Сайын кинигэлэри биир киһиэхэ сирэйдээн биэрэрэ, ону бары уларсыһан, олус харыстаан ааҕаллара, дояркалар эмиэ уларсар этилэр. Аны сэрии саҕана сэрии ханна тиийбитин интэриэһиргииллэрэ. Хас хаһыат кэллэҕин ахсын аҕыйах хонукка уларсан аахтарара.  Ол кэллэҕинэ атыттар уларсар буолаллара. Дьон бары ыарахан үлэҕэ сылдьара, онон ааҕар балаҕан үлэтэ диэн оннук үлэ суоҕа. Налог уонна фроҥҥа диэн ааттаан харчы, заем уонна ичигэс таҥас, үтүлүк, бэргэһэ, кээнчэ, наскы хомуйан оройуоҥҥа  киллэрэн биэрэрэ. Ким төһөнү биэрбитин испииһэк оҥорон туттарар этэ. Сводка хомуйара.

Нэһилиэктэн 7 буолан бэлэмнэнэн оройуоҥҥа  фестивальга кытта барбыттара, фестиваль бары ирдэбилин толорон 1 миэстэни ылбыттара.

1944 с. ааҕар балаҕан үлэтиттэн уурайбыта.

Антонова Ульяна Николаевна, М.А.Охлопкова аатынан Хатырык модельнай библиотекатын сэбиэдиссэйэ, СӨ култууратын туйгуна