- 17.08.2026
- 48
- нет
МААЙА ОҔО СААҺА
Мария Алексеевна Охлопкова 1931 с. сэтинньи 15 күнүгэр Нам улууһун Хатырык нэһилиэгэр Тойбол алааска Наталья Кировна, Алексей Петрович Охлопковтар дьиэ кэргэннэригэр төрөөбүтэ. Маайа төрөппүттэрэ барыта сүүрбэтэ оҕоломмуттарыттан үһүн эрэ тутан хаалбыттара. Улаханнара Вера, ортоку Аркадий, Маайа кыралара этэ.
1937 с. таайдара Максим Кирович сымыйанан буруйданан хаайыллыбыта Охлопковтар дьиэ кэргэттэрин олоҕун атыйахтаах уу курдук аймаабыта, атаҕастабыллаах кэм саҕаламмыта. «Норуот өстөөҕүн» аймахтара аатыран ыраах баар Бэс Күөлэ алааска ыарыылаах сүөһүлэри көрөр сорудахтаах көһөргө күһэллибиттэрэ.
«1941 с. алаастан көһөн киирэн 1 кылааска Хатырык ситэтэ суох 7 кылаастаах оскуолаҕа үөрэммитим. 1949 с. бүтэрбитим. 2 сыл харахпынан, 4-5 кылааска тыҥабынан ыалдьан эмтэнэн үөрэммэтэҕим», – диэн Маайа 10 эрэ сааһыгар оскуола боруогун долгуйа атыллаабытын, ыараханнык ыалдьан үөрэх түөрт сылыттан маппытын туһунан аҕыйах тылынан суруйан хаалларбыт.
Ити аҕыйах тыл кэннигэр Маайа оскуолаҕа барбакка үс сыл ытаабыт хараҕын уута, түөрт сыл күн сирин сырдыгын көрөр, салгынынан дуоһуйа тыынар иһин охсуһуута ааҕылларга дылы. Оҕо эрэ аайы тиксибэт ыарахан оҕо сааһы Маайа эрдээхтик тулуйбута кини олоххо дьулууругар олук уурбута.
Лукинова Надежда Ивановна, М. К. Аммосов аатынан СӨ судаарыстыбаннаһын историятын музейын үлэһитэ, СӨ култууратын туйгуна.
Атырдьах ыйа, 2026 сыл
Мария Алексеевна, Маайа Хатырык оскуолатыгар үөрэнэ сылдьан...
Если вам понравилась статья, не забудьте нажать на сердечко
7
Посмотрите так же
Предыдущая статья:
Удовлетворенность граждан работой государственных и муниципальных организаций культуры, искусства и народного творчества
История библиотеки