Хатырыкская сельская модельная библиотека им. М.А.Охлопковой

Культура үлэһиттэрин республикатааҕы маҥнайгы съеһэ 1959 сыл бэс ыйын 26-27 күннэригэр ыытыллыбыта. Манна бастыҥ үлэлээх культура үлэһиттэрэ кыттыыны ылбыттара. Нам оройуонун Хатырык нэһилиэгиттэн библиотека сэбиэдиссэйэ эдэркээн Мария Охлопкова уонна киноустановка сэбиэдиссэйэ Куличкин П.С. делегатынан талыллан кыттыыны ылбыттар.

Съезтэн кэлэн баран Мария Алексеевна фотоальбом оҥорбута. Бу альбомҥа 1959 с. Кыым хаһыакка тахсыбыт “Культура үлэһиттэрин съеһин көрсө” ыстатыйа, Культура үлэһиттэрин маҥнайгы съеһигэр ССКП обкомун секретара таб. Данилов А.П., САССР култууратын миниистирэ таб Попов Г.В. дакылаата, 1 кы сьезкэ кыттааччылар уопсай түспүт хаартыскалара, ол күннэргэ буолбут тэрээһиннэргэ ыҥырыы суруктар, тэрээһиннэр программалара бааллар. Съезд делегаттара киэҥ далааһыннаах концертнай программаларга музыкальнай-драматическай театрга, Лена киинэ театрыгар уо.д.а тэрээһиннэргэ сылдьыбыт билиэттэрэ бааллар.

Республика библиотекатын үлэһиттэрин  семинарыгар Мария Алексеевна Охлопкова Хатырык библиотекатын сэбиэдиссэйэ “ Из опыта работы по охвату библиотечной книгой каждого колхозника” диэн теманан иһитиннэрии оҥорбут.

Сиһилии биһиги библиотекабыт фондатыгар кэлэн билсиэххитин сөп.

Васильева Любовь Ивановна,  М.А.Охлопкова аатынан Хатырык нэһилиэгин библиотекара, СӨ култууратын үтүөлээх үлэһитэ