Хатырыкская сельская модельная библиотека им. М.А.Охлопковой

Хатырык библиотекатын сэбиэдиссэйэ Мария Алексеевна Охлопкова өрөспүүбүлкэ култууратын үлэһиттэрин үс сийиэһигэр делегатынан талыллан, кыттыыны ылбыта. Бастакы съезд 1959 сыллаахха, иккис съезд – 1963 с. уонна 10 сыл буолан баран 1973 сыллаахха 4-с съезкэ. 

Оччолорго да, билигин да маннык улахан тэрээһиннэргэ бастыҥтан бастыҥнар эрэ талыллан сылдьаллара.  Билигин санаан көрдөххө, култуура сийиэстэригэр үс төгүл депутатынан талыллыбыт киһи бүтүн өрөспүүбүлүкэ да үрдүнэн ахсааннааҕа буолуо.

Ити кини сүрэҕин баҕатынан талан ылбыт идэтигэр олус бэриниилээхтик, таһаарыылаахтык үлэлээбитин туоһута буолар. Кини үлэтин опыта Намҥа эрэ буолбакка бүтүн республика үрдүнэн тарҕаммыта. Биир идэлээхтэригэр, нэһилиэнньэҕэ улахан авторитеттаах киһинэн сыаналанара.

Биһиги кининэн киэн туттабыт, үйэлэргэ махтанабыт!

Сарсыҥҥы түгэҥҥэ култуура үлэһиттэрин бастакы  сийиэһин туһунан билсиэххит.

Любовь Ивановна Васильева, М.А.Охлопкова аатынан модельнай библиотека үлэһитэ,

СӨ култууратын үтүөлээх үлэһитэ