РС(Якутия), Намский у., с. Столбы, ул. Аммосова, д. 24

Намская МЦБС

Хатырыкская сельская модельная библиотека им. М.А.Охлопковой

Книги — это мудрость, запечатленная в словах, открывающая двери в бескрайний мир знаний.

Добро пожаловать в нашу библиотеку, где каждая страница — это новое приключение, а каждая строка — ключ к пониманию бескрайних граней жизни.

Буорах сыттаах суруктар

   

      

Бүгүн олунньу 17 күнүгэр Нам улууһун киинннэммит библиотечнай ситимин Кыйыы 80 сылыгар аналлаах “Книжный путь Великой Победы” эстафетата нэһилиэктэринэн саҕаланна. Эстафета – бырайыак Нам улууһун хоту сытар нэһилиэктэригэр Түбэ-Хатырык-Бөтүҥ-Хатыҥ Арыы-Затон хайысханан  ыытыллар. Бырайыак сыала-соруга: Нэһилиэктэргэ тахсыбыт Улуу Сэриигэ аналлаах кинигэлэри кэнчээри ыччакка билиһиннэрии, эһээлэрбит-эбээлэрбит хорсун суолларын сырдатыы, кинилэр ааттарын үйэтитии.

Бүгүн Хатырык бибилитиэкэтигэр Түбэ нэһилиэгиттэн, анал чемодаҥҥа уктан кэлэн,  “Буорах сыттаах суруктар”  Аҕа дойду улуу сэриититтэн эргиллэн кэлбэтэх Түбэлэр ахтар-саныыр ытык уолларын Никонов Семен Федорович кэргэнигэр, оҕолоругар суруктарын сиэнэ, оскуола учуутала Куприянова Ольга Семеновна, хос сиэнэ 8-с кылаас үөрэнээччитэ Алгыстаан Куприянов, “Түбэлэр Аҕа дойду сэриитигэр” диэн тахсыбыт кинигэлэри библиотекарь Полина Шестакова астыктык кэлэн сэһэргээн бардылар.

1942 сыллаахха Семен Никонович оҕолоругар ыыппыт кыракый кырааскалыыр  кинигэтин ууруна сылдьалларын оҕолор сөҕө-махтайа көрдүлэр, суруктар кырдьык “буорах сыттаахтар” эбит, – диэн махтанан тарҕастылар.

Бырайыак салҕанар. Аны сарсын Хатырыктар Бөтүҥҥэ тиийэн кэпсээн-ипсээн буолуохтаахпыт.