Хатырыкская сельская модельная библиотека им. М.А.Охлопковой

Нам улууһун киинннэммит библиотечнай ситимин Кыайыы 80 сылыгар аналлаах “Книжный путь Великой Победы” эстафетата нэһилиэктэринэн салҕанар. Бүгүн М.А.Охлопкова аатынан модельнай библиотека үлэһиттэрэ Бөтүҥ нэһилиэгэр баран, “Сэрии биһиги нэһилиэкпит историятыгар” диэн Хатырык нэһилиэгэр тахсыбыт Аҕа дойду Сэриитин кыттыылаахтарын, тыыл ветераннарын туһунан  кинигэлэри ырытан кэпсээтилэр. “Сиэннэр эбээлэринэн, эһээлэринэн киэн тутталлар” диэн темаҕа Хатырык орто оскуолатын 7-с кылааһын үөрэнээччитэ Дайаана Собакина хос эһээтин, Аҕа Дойду сэриитин кыттыылааҕа Собакин Николай Филиппович туһунан кэпсээнин уонна эһээтин бойобуой сырыыларын, төрөөбүт дойдутун туһунан оҥорбут оонньуутун билиһиннэрдэ. Хамаанданан “Сэрии туһунан 80 ыйытык “ диэн оонньууга ыччаттар уонна оскуола оҕолорун хамаандата кыттан, бэрт аҕыйах очконан оскуола оҕолорун хамаандата хотторон таҕыста. Ол эрээри библиотекардар оҕолор үрдүк таһымнаах оонньообуттарын бэлиэтээтибит. Аҕа Дойду историятын киэҥник билэллэрэ сөхтөрдө. Эстафета салгыы айанныыр…