Хатырыкская сельская модельная библиотека им. М.А.Охлопковой

Саха АССР народнай поэта, Саха Республикатын искусстволарын үтүөлээх деятелэ, Саха комсомолун бириэмийэтин лауреата. 1957 сылтан СССР Суруйааччыларын сойууһун чилиэнэ.
1930 с. тохсунньу 18 күнүгэр Бүлүү куоракка төрөөбүтэ.
1937 с. Чочу 7 кылаастаах оскуолатыгар үөрэнэ киирбитэ.
[1944–1945 сс. (күһүөрү кыһыҥҥа диэри) Бүлүүтээҕи педагогическай училищеҕа үөрэнэр].
1947 с. Дьокуускай куорат 2-с нүөмэрдээх оскуолатын бүтэрбитэ.
1948 с. бастакы хоһооно «Хотугу сулус» сурунаалга бэчээттэммитэ.
1952 с. 22 саастааҕар «Ынырар уоттар» диэн хоһооннорун уонна поэмаларын хомуурунньуга бэчээттэммитэ. Чаҕылхай талаан саха поэзиятыгар дохсуннук уонна киэн далааһыннаахтык киирбитэ, онтон ыла саха ааҕааччыларын куттарын туппута, кинилэр тапталлаах суруйааччыларынан буолбута.
1954 с. Москваҕа Максим Горькай аатынан литературнай институту бүтэрбитэ. Аҕыйах сыл Саха сиринээҕи кинигэ издательствотыгар редакторынан, оскуолаҕа учууталынан үлэлээн баран, идэтийбит суруйааччы быһыытынан олоҕун бүүс-бүтүннүүтүн үлүскэннээх айар үлэҕэ анаабыта уонна ол тухары айар үлэтигэр саамай тахсыылаах кэмин иккис төрөөбүт сирин кэриэтэ буолбут Ханалас улууһун Покровскайыгар — эймэнэ туойбут Улуу Эбэтин Өлүөнэ үрдүк кытылыгар — олорон ааспыта.
1948 сылтан бэчээттэммит. 1952 сыллаахха хоһооннорун бастакы хомуурунньуга тахсыбыт. Хас да улахан поэма уонна «Күн хайата» диэн ааттаах ыччат туһунан хоһоонунан роман (1962) суруйбута. Ааҕааччы биһирэбилин прозаическэй айымньылара эмиэ ылбыттара: «Хара кыталык» роман-трилогия, «Иэйэхсити кэлэтии», «Олорор мутуккун кэрдимэ» сэһэн.
И.М.Гоголев драматург быһыытынан эмиэ биллэр. «Кыталыктар хочолоро» музыкальнай остуоруйа пьесаны, «Хотугу сибэкки» бастакы саха опереттатын либреттотын суруйбута. Драмалара: «Ыам ыйын халлаана», «Таас таба», «Наара суох», «Өлүөнэ сарсыардата», «Саллаат сүрэҕэ» уо. д. а. Айымньылара нуучча тылынан тылбаастаммыттара уонна Москубаҕа бэчээттэммиттэрэ. Саха АССР Үрдүкү Сэбиэтин дьокутаатынан талылла сылдьыбыта.
«Үһүс харах» кинигэтэ 2005 сыллаахха Берлин куоракка Dagyeli кинигэ кыһатыгар ниэмэстии тылынан тахсыбыта («Das dritte Auge»). Иван Гоголев кыргыттара Анна Гоголева уонна Лена Гоголева, ону тэҥэ Монастырев Владимир Дмитриевич бу тылбаас тахсыытыгар көмөлөөхтөр. Тылбааһы нууччалыы тылтан Валерия Вайзер бэлэмнээбит.

Төрөөбүппэр аал уот үөрэн

Тигинэччи умайбыта,

Аастыйбыт астаах эбэм

Ботугураан алҕаабыта

Аптаах сахам тылынан…

                           Иван Гоголев-Кындыл

Виртуальнай быыстапка

Күндү ааҕааччым, Уйбаан Гоголев- Кындыл бу уонна мантан да атын кинигэлэрин биһиги библиотекабытыттан уларсан ааҕыаххын сөп.

Талыллыбыт айымньылар хомуурунньуктара : 8 томнаах / Иван Гоголев-Кындыл ; [хомуйан оҥордо В. Т. Сивцев ; редкол.: М. Д. Ефимов уо. д. а. ; киирии ыстатыйаны суруйда Н. Н. Тобуруокап]. — Дьокуускай : Бичик, 2005-. — 20 см. — (Саха литературатын классиктарын библиотеката).
Т. 1: Сарсыардааҥҥы омурҕан : хоһооннор. — 2005. — 302, [1] с. URL: http://xang-elib.ru/open/1177

Хара кыталык : (роман) : [3 кинигэлээх]. (2-с кинигэтэ) / Иван Гоголев. — Якутскай : Саха сиринээҕи кинигэ изд-вота, 1982. — 287, [1] с. ; 21 см. — 15000 экз. (читать в ЭБ НБ РС(Я))

Олорор мутуккун кэрдимэ : сэһэн / И. М. Гоголев ; [ред. Р. Д. Ермолаев ; И. С. Барахтыров ойуута]. — Якутскай : Кинигэ изд-вота, 1986. — 213, [1] с. ; 20 см. (читать в ЭБ НБ РС(Я))

Иэйэхсити кэлэтии : «Иэйиэхсит» роман маҥнайгы кинигэтэ / Иван Гоголев. — Дьокуускай : Бичик, 1993. — 270, [2] с. ; 21 см. (читать в ЭБ НБ РС(Я)

Ыраах суолга : [хоһооннор уонна поэмалар] / Иван Гоголев. — Якутскай : Саха сиринээҕи кинигэ изд-вота, 1956. — 141 с. : портр. ; 20 см. (читать в ЭБ НБ РС(Я))

Ийэ буор : поэма, хоһооннор, ырыалар / Иван Гоголев. — Якутскай : Кинигэ изд-вота, 1976. — 95 с. : ил. (читать в ЭБ НБ РС(Я))

Айан аарыктара : (поэмалар) / Иван Гоголев. — Якутскай : Саха сиринээҕэ кинигэ изд-вота, 1989. — 278 с., [1] л. порт. ; 17 см. (читать в ЭБ НБ РС(Я))

Письмена на бивне мамонта : стихи / Иван Гоголев ; перевод с якутского Владимира Цыбина. — Москва : Советский писатель, 1972. — 76, [2] с. ; 16 см. – URL: http://xang-elib.ru/open/641