Хатырыкская сельская модельная библиотека им. М.А.Охлопковой

Дьол, эйэ, олох туһугар – фронт, тыыл бииргэ! (Хатырык нэһилиэгэ 1941-45 сс. Аҕа дойду Улуу сэриитин кэмигэр)  / хомуйан оҥордулар : Ст. А. Дьяконов, Е. А. Дьяконова, М. Н. Заровняева уо.д.а. – Дьокуускай : Алаас, 2020 . – 328 с.

Кинигэҕэ 1941-45 сс. Аҕа дойду Улуу сэриитин кэмигэр Нам улууһун Хатырык нэһилиэгиттэн үөрэ-көтө, үлэлии-хамсыы сылдьыбыт дьон, хаһан да төннүбэттии сэрии толоонугар олохторун толук уурбуттарын, сорохтор инбэлиит буолан, сорохтор Кыайыы үөрүүтүн билэн, төрөөбүт сирдэригэр төннүбүттэрин, тыылга хаалбыт дьон үлэлэрин-хамнастарын туһунан кэпсэнэр.

https://khatyryk.namlib.ru/dol-eje-oloh-tuhugar-front-tyyl-biirge/

Сивцев, Николай Иванович.

Олохпун норуоппар анаабытым / хомуйан оҥрдулар С. Н. Кривошапкина, В. В. Иванова, М. В. Горохова. – Дьокуускай : Сайдам, 2020 – 404 с. с илл.

Кинигэҕэ сүрүн миэстэни хаһаайыстыбаннай, советскай партийнай үлэһит, Россия журналистарын союһун чилиэнэ Николай Иванович Сивцев Нам улууһун “Ленин Суола”, кэлин “Эҥсиэли” хаһыаттарга таһаартарбыт ыстатыйалара киирдилэр. Ону таһынан кини чиэһинэй, көнө суолу тутуһан үлэлээбитин, киһи быһыытынан эҥкилэ суоҕун бэлиэтээн суруллубут чугас дьонун, үөлэннээхтэрин ахтыылара киирдилэр.

Кинигэҕэ биһиги Хатырыкпыт нэһилиэгин бастыҥ, үлэһит дьонун туһунан ахтыылар киирбиттэр.

Петров, Афанасий Николаевич.

Бу сиргэ олох олоруу ханныга да – дьол! / А.Н.Петров; хомуйан оҥордо Н.В.Павлова. – Дьокуускай : Дани-Алмас, 2023 . – 172 с.

Кинигэҕэ тыыл, үлэ  бэтэрээнэ Нам улууһун Ытык Киһитэ афанасий Николаевич Петров олоҕун кэрчик кэмнэрин туһунан бэлиэтээһиннэрэ, ону тэҥэ кини туһунан оҕолорун, сиэннэрин, доҕотторун-атастарын, үөлээннээхтэрин суруйуулара түмүллэн киирдилэр.

Аҕа Дойду Улуу сэриитин кэминээҕи уонна кэннинээҕи Нам улууһун олоҕун историятын сэргээччилэргэ, кыраайы үөрэтээччилэргэ, А.Н.Петров оҕолоругар, сиэннэригэр ыччаттарыгар, бары аймахтарыгар ананар.

Нератова Наталия Николаевна.

Атамай Винокуровтара. [Альбом-книга] / Нам: AIBOOKNAM . – 2021 с.

 Кинигэҕэ Хатарык Атамайын олохтоохторо герой ийэ Варвара Ивановна, Иннокентий Афанасьевич Винокуровтар олохторун туһунан кэпсэнэр.

Басыгысова Февралина Харлампьевна.

Биһиги аҕабыт Прокопьев Харлампий Дмитрьевич Ааллаах-Үүн таһаҕасчыта. [Брошюра]  / Якутск: 2023 с. с илл.

Брошюраҕа аҕаларын Прокопьев Харлампий Дмитриевич олоҕо, сэрии кэмигэр тыылга үлэтэ-хамнаһа суруллубут. Архивнай докуменнар копиялара киирбиттэр.

Оонньооботох оҕо саас : [ахтыылар] / хомуйан оҥордулар : У. Н. Антонова,  Л. И. Васильева ; ред.: Е. С. Петрова, Л. И. Васильева ; М. А. Охлопкова аатынан  Хатырык нэһилиэгин  модельнай библиотеката. – Дьокуускай : Дани-Алмас,  2025. — 144 с.: фот.

Сэрии кэмин оҕолоро… бу оҕо саастара огдолуйбут, оонньууну-көрү көрсүбэтэх, уончаларыттан оҕонньоттору, эмээхситтэри кытта сарсыардаттан киэһэ үс туман түһүөр диэри сайыҥҥы сынньалаҥы билбэккэ олох туһугар, кыайыы туһугар үлэҕэ эриллибит оҕолор олохторун туһунан кинигэ таҕыста. Кинигэҕэ киирбит суруйуулар – дьиэ кэргэн матырыйаала. Манна ахтыллар эбээлэр, эһээлэр барахсаттар үгүстэрэ ханна да суруллубатах сэрии кэмин хорсун дьоно буолаллар.

https://khatyryk.namlib.ru/tyylga-emie-seriige-kurduga/