Хатырыкская сельская модельная библиотека им. М.А.Охлопковой

Тимофей Егорович 1919 с. сэтинньи 25 күнүгэр  Кэбээйи оройуонун Тыайа нэhилиэгэр төрөөбүтэ. Оскуолаҕа хойутаан, төрөппүттэриттэн көҥүлэ суох, 11 сааһыгар 1930 с., үөрэх дьыла бүтэрэ чугаһаабытын кэннэ киирбит. 1933 с. ситиһиилээхтик төрдүс кылааһы бүтэрбит. 13 сааһыгар “Калинин” аатынан холкуос көмөлөһөөччү суотчутуннан ананан үлэлээбитэ. Онтон Намҥа киирэн, суотчут кууруһун бүтэрэн, 1934 с. олунньуттан холкуоһугар суотчут буолбут.

1940 сыллаахха Дьокуускайдааҕы потребкооперация техникумун бүтэрбитэ. Аҕа дойду Улуу сэриитигэр  1942 сыллаахха ыҥырыллыбыта уонна 1944 сыллаахха ыараханнык бааhыран эргиллэн кэлбитэ. Кини сэриигэ старшай телефониһынан һлэлээбитэ, ол гынан баран үчүгэйдик уруһуйдурун таба көрөннөр разведкаҕа сылдьан инники линия былаанын уруһуйдаан устарга анаабыттара. Бойобуой сорудахтары толорууга «Хорсунун иhин» уонна «Бойобуой үтүөлэрин иhин» мэтээллэринэн наҕараадаламмыта.

Литература бары көрүҥүн суруйуутун баһылаабыт Тимофей Сметанин 1938 сылтан биллэр-көстөр айымньыларын суруйбут поэт, прозаик, драматург, публицист. Кини  суруйууларын дьон-сэргэ таптаан, сөбүлээн ааҕар. Ол кэрэhитинэн кини тыыннаах бэйэтэ суох буолбутун да кэннэ, айымньыларын кинигэлэрэ хас да төгүллээн тахсыбыттара буолар. Тимофей Егорович сэрииттэн ылбыт бааhа аhыллан, баара-суоҕа 28 эрэ сааһыгар, 1947 сыл атырдьах ыйын 4 күнүгэр олохтон туораабыта. Кини хаалларбыт баай литературнай нэhилиэстибэтэ yhyн үйэлэннэ. Ол курдук бары сөбүлээн аахпыт кинигэбит “Егор Чээрин” ааттаах-суоллаах киинэ буолан уһулунна. “Лоокуут уонна Ньургуһун” драма  киинэ буолан таҕыста.

Сэрии туһунан сүрүн айымньылара, кинигэлэрэ:

• Егор Чээрин. Сэһэн, 1947 с.
• Саллаат сүрэҕэ: Хоһооннор, 1945 с.

Т. Е.Сметанин кинигэлэрин биһиги библиотекабытыттан уларсан ааҕыаххын сөп:  

1. ТАЛЫЛЛЫБЫТ АЙЫМНЬЫЛАР/ Тимофей Сметанин ; [хомуйан оҥордулар Софр. П. Данилов уонна П. Д. Аввакумов ; кылгас коммент. оҥордо П. Д. Аввакумов]. — Якутскай : Саха сиринээҕи кинигэ изд-вота, 1969. — 462, [2] с. 
2. ЕГОР ЧЭЭРИН: Сэһэн улахан уонна орто саастаах оскуола оҕолоругар / Е.М. уруһуйа.-Якутскай: Кинигэ изд-вота, 1985.-56 с. 
3. Икки томнаах айымньылар. 1 Т. /Художник И.Н. Жергин.  Дьокуускай : Бичик, 1999. – 208 с.  
4. 📚🎧 Мэхээлэчээн булчут мүлчүргэннээх сырыыларын туһунан СӨ Национальнай библиотека электроннай библиотекатыгар киирэн истэргитигэр ыҥырабыт. Бу кэпсээннэри пандемия бириэмэтигэр олорон 1919 сыллаахха аахпытым. Оҕолоргутугар, сиэннэргитигэр холбоон иһитиннэриэххитин сөп.

🎧 Сметанин, Тимофей Егорович.

Этэрбэс чааркаан буолбуттаах : [кэпсээн : аудиозапись] / Сметанин Т. Е., Стручков Я. В. ; ааҕар Васильева Л. И.-Эбээ Люба

https://new.nlrs.ru/toreaders/segments/kids/open/78961?utm_source=whatsapp&utm_medium=messenger&utm_campaign=pt-424&utm_eid=77   

🎧 Сметанин, Тимофей Егорович.

Сатаатахха — хонууга да күөгүлүөххэ сөп : [кэпсээн : аудиозапись] / Сметанин Т. Е., Стручков Я. В. ; ааҕар Васильева Л. И.-Эбээ Люба

https://new.nlrs.ru/toreaders/segments/kids/open/78962?utm_source=whatsapp&utm_medium=messenger&utm_campaign=pt-424&utm_eid=77

🎧 Сметанин, Тимофей Егорович.

Куобах : [кэпсээн : аудиозапись] / Сметанин Т. Е., Стручков Я. В. ; ааҕар Васильева Л. И.-Эбээ Люба

https://new.nlrs.ru/toreaders/segments/kids/open/78963?utm_source=whatsapp&utm_medium=messenger&utm_campaign=pt-424&utm_eid=77

Сметанин, Тимофей Егорович.

Эһэни миинэн турардаахпын : [кэпсээн : аудиозапись] / Сметанин Т. Е., Стручков Я. В. ; ааҕар Васильева Л. И.-Эбээ Люба

https://new.nlrs.ru/toreaders/segments/kids/open/78964?utm_source=whatsapp&utm_medium=messenger&utm_campaign=pt-424&utm_eid=77

🎧 Сметанин, Тимофей Егорович.

Чубуку : кэпсээн : [аудиозапись] / Т. Е. Сметанин, Я. В. Стручков ; ааҕар Л. И. Васильева

https://new.nlrs.ru/toreaders/segments/kids/open/79075?utm_source=whatsapp&utm_medium=messenger&utm_campaign=pt-424&utm_eid=77

🎧 Сметанин, Тимофей Егорович.

Куттас доҕор : кэпсээн : [аудиозапись]/ ааҕар Л.И. Васильева

https://new.nlrs.ru/toreaders/segments/kids/open/79076?utm_source=whatsapp&utm_medium=messenger&utm_campaign=pt-424&utm_eid=77