РС(Якутия), Намский у., с. Столбы, ул. Аммосова, д. 24

Намская МЦБС

Хатырыкская сельская модельная библиотека им. М.А.Охлопковой

Книги — это мудрость, запечатленная в словах, открывающая двери в бескрайний мир знаний.

Добро пожаловать в нашу библиотеку, где каждая страница — это новое приключение, а каждая строка — ключ к пониманию бескрайних граней жизни.

Олунньу 14 күнэ – кинигэ бэлэхтээһин күнэ

Олунньу 14 күнэ — Аан дойду үрдүнэн Кинигэ бэлэхтээһин күнүнэн бэлиэтэнэр. Бу тэрээһини көҕүлээччинэн Эмми Бродмур диэн оскуола бибилитиэкэрэ буолар.

Билигин бу тэрээһин Аан дойду үрдүнэн ыытыллар буолла.

 Биһиги библиотекабыт фондата 11153 экземпляр кинигэ. 33 араас хайысхалаах, дьон-сэргэ, оҕо-аймах  интэриэһиргиир сурунаалларын, хаһыаттарын суруйтарабыт. Ааспыт сылга Нам улууһун кииннэммит библиотечнай ситимин комплектыыр салаата  496 саҥа кинигэни ыыппыта.

Бүгүн сарсыардаттан үөрүүбүтүн үрдэтэн Максим Кирович Аммосов аатынан Саха Өрөспүүбүлүкэтин судаарыстыбаннаһын уонна историятын музейын методиһа Станислав Дьяконов үс кинигэни бэлэх уунна. Биһиги фондабытыгар суох Павел Харитонов-Ойуку  “Хоболоох суол” кинигэтин 1 чааһын уонна биллиилээх политческай диэйэтэллэр “Саха киэн туттар сиэрийэттэн” Илья Дорофеевич Винокуров-Чаҕылҕан уонна Ньургун Тимофеев туһунан тахсыбыт кинигэлэри бэлэхтээтэ.

Ааҕааччыбыт Хатырык нэһилиэгин Ытык киһитэ, милиция туйгуна, Ис Дьыала бэтэрээнэ Валерий Михайлович Шелковников баай библиотекатыттан биһиэхэ  сэдэх кинигэлэри бэлэхтээтэ. Олор истэригэр историческай наука доктора, Өксөкүлээх Өлөксөй аатынан судаарыстыбаннай бириэмийэ лауреата, Нам улууһун Ытык киһитэ Егор Егорович Алексеев, саха народнай суруйааччыта Семен Данилов   биобиблиографическай ыйынньыктара, “Дети земли Олонхо” фотоальбом, биллиилээх политическай диэйэтэл Исидор Барахов, Семен Скляренко “Святослав” уус-уран кинигэтэ, барыта 13 кинигэни бэлэх уунна.

Түгэнинэн туһанан, ааҕааччыларбытыгар  Станислав Дьяконовка, Валерий Шелковниковка   барҕа махталбытын биллэрэбит, уһун дьоллоох олоҕу, ситиһиилэри, дьиэ кэргэҥҥитигэр туруктаах олоҕу баҕарабыт!

Библиотека коллектива