Хатырыкская сельская модельная библиотека им. М.А.Охлопковой

Сэтинньи 25 күнэ Саха Өрөспүүбүлүкэтин  бэрэсидьиэнин 2006 сыл  N 3036 Ыйааҕынан Олоҥхо күнүн быһыытынан биллэриллибитэ. Бу күҥҥэ олоҥхону киэҥ араҥаҕа тарҕатар, үйэтитэр соруктаах тэрээһиннэр ыытыллыахтаахтар.

Декадабыт олоҥхоһут, норуот ырыаһыта, тойуксут Василий Николаевич Попов-Бочоох төрөөбүтэ 115 сылыгар ананан ыытыллар.

М.А.Охлопкова аатынан олохтоох бибилитиэкэ бу декадаҕа кыттыһан:

1. Оҕолорго “Олоҥхону уус-уран тылынан хоһуйабын” диэн ааттаах аһаҕас кэтэхтэн күөн-күрэс биллэрбитэ. Бу күөн-күрэс ахсынньы  5 күнүгэр тахсан кыайыылаахтар ааттаныахтара. Манна бирииһи Попов В.Н.-Бочоох аймахтара уонна библиотека туруоруо.
2. Сэтинньи 25 күнэ, бэнидиэнньик – “Олоҥхо омоон суолунан” онлайн викторинаны телеграмм каналбытыгар, сайтпытыгар  таһаарыахпыт. Кыайыылаахтары кинигэнэн бириистэр  күүтэллэр.
3. Сэтинньи 26 күнүгэр сарсыарда 10.30 ч. биһиэхэ Намтан Григорьева Мария Степановна — Кырыымпа Маайа ыалдьыттыы кэлиэ. Кыл кырыымпа оҥоһуутугар маастар кылаас ыытыа уонна сахалыы кырыымпа тыаһын истэн дуоһуйуохпут.
4. Куйаар ситимигэр уона библиотекаҕа төрөөбүт тылбыт сүмэтэ мунньуллубут улуу Олоҥхобутугар анаан араас сылларга тахсыбыт кинигэлэринэн быыстапка туруоруохпут.
5. “Олоҥхо омоон суолунан” оҕолорго бэсиэдэлэри, литературнай чаастары ыытыахпыт.