Хатырыкская сельская модельная библиотека им. М.А.Охлопковой

Быйылгы 2026 сылы Россияҕа  Бэрэсидьиэн Владимир Путин  Арассыыйа норуоттарын сомоҕолоһууларын сылынан биллэрбитэ. Сыл аайы ураты тиэмэни аныыр үгэс 2007 сыллаахтан, ол кэмҥэ Нуучча тылыгар анаммытыттан, саҕаламмыта. Быйылгы сылбыт бүттүүн бииргэ, сомоҕолоһууга туһуланна.

2026 сыл Саха сиригэр Култуура сылынан биллэрилиннэ. Ол туһунан Ил Дархан Айсен Николаев ахсынньы 23 күнүгэр Анал илдьитигэр иһитиннэрдэ.

Ил Дархан санаппытынан, кэлиҥҥи сылларга өрөспүүбүлүкэҕэ аныгы култуура кииннэрин тиһигэ тэрилиннэ. “Кинилэр уопсастыбаннай олох, сырдатыы, айар-тутар кыах уонна Саха сирин олохтоохторун уратыларын көрдөрөр кииннэрэ буолуохтаахтар”, – диэн кини анаан бэлиэтээтэ.

Биһиги Наммыт улууһугар  баһылык Юрий Слепцов 2026 сыл киэн туттар биир дойдулаахпыт, Саха сирин уһулуччулаах государственнай уонна политическай диэйэтэлэ Илья Егорович Винокуров үбүлүөйдээх  130 сылын бэлиэтиир, ону сэргэ  Дьиэ кэргэн экономикатын сайыннарар уонна Эбии үөрэхтээһин  сылларынан биллэрбитэ. Кэлэр 2026 сылга уһулуччулаах биир дойдулаахпыт  Илья Егорович Винокуров 130 үбүлүөйдээх сылынан үгүс үлэ күүтэр. Онуоха санаабытын түмэммит үөскүүр ыарахаттары бииргэ туораан, үлэбитин-хамнаспытын салгыы ыытыахха, улууспут сайдарын, дьоммут-сэргэбит олоҕо уйгулаах буоларын туһугар бары бииргэ түмсэн үлэлиэххэ-хамсыахха!

Төрөөбүт-үөскээбит Хатырыкпытыгар баһылык Ноговицын Артур Егорович Үөрэх-билии уонна култуурунай нэһилиэстибэ сылынан биллэрдэ.

Онтон быйылгы сылга биһиги библиотекабытын атаҕар туруорбут, библиотека сайдыытыгар, дьону кинигэни ааҕыыга угуйбут, сырдыгы-билиини тарҕаппыт, М.К.Аммосов аатынан Судаарыстыбаннас түмэлин  төрүттээбит ытыктыыр киһибит САССР култууратын үтүөлээх үлэһитэ Мария Алексеевна Охлопкова төрөөбүтэ 95 сыла. 

1931 сыллаахха биһиги биир дойдулаахпыт, киэн туттар, ытыктыыр, бүтүн Саха Өрөспүүбүлүкэтэ сүгүрүйэр киһибит Максим Аммосов дойдутугар ааҕар балаҕаҥҥа диэн анаан 30 кинигэни ыыппыта биллэр. Ити сылтан оруобуна 95 сыл ааста.

Онтон Хатырыктааҕы сельскэй библиотека диэн аат сэрии кэнниттэн 1946 сыллаахха иҥэриллибитэ. Инньэ гынан быйыл 80 сылбытын бэлиэтиир дьоро күннэрбит буолаллар.

Бүгүн биһиги эһиэхэ, ааҕааччыларбытыгар, анаан быйылгы үбүлүөйдээх сылбыт анал бэлиэтин билиһиннэрэбит.

Бэлиэбит библиотекабыт эмблематын сүрүн өҥнөрүгэр олоҕурда уонна кинигэбит иһигэр Мария Алексеевнабыт мөссүөнүн олортубут.

Бу сигэлэринэн киирэн 1957 сыллааҕы библиотека үлэтин. Мария Алексеевна туһунан тахсыбыт кинигэлэри, ыстатыйалары билсиэххин сөп:

Книги о Марии Алексеевне Охлопковой

Мария Алексеевна и работа

Статьи

1957