Хатырыкская сельская модельная библиотека им. М.А.Охлопковой

Күндү ааҕааччыларбыт, сайыҥҥы сынньалаҥмытын туһалаахтык атаарыах, кинигэтэ ааҕан билиибитин хаҥатыах.

Дарбасова Анастасия Васильевна. Саһарҕа хоптотун мүччүргэннээх сырыылара. / А.В.Дарбасова; В.Н.Луковцев, А.М.Иевлева тылбаастара; Е.Д. Садовникова уруһуйдара. – Дьокуускай: Айар, 2024. – 96 с. – ил.

Айылҕаны киртитэр, тайҕа сокуоннарын кэһэр, мээнэ бултуур тоҕо кутталлааҕый? Саһарҕа хоптото Лола мүччүргэннээх сырыыларыгар кыттыһан, Сотик эһэчээни, Арчы таба оҕотун, Гуглик мэкчиргэни уонна Айкуо кэрэ кыыһы кытта доҕордоһон быһаар. Туох дьикти ыарыы Айкуо кыысчааны буулаабытын, хайдах аптаах саһарҕа хоптото Лола киниэхэ көмөлөспүтүн уонна доҕордуулар Орто дойдубутун алдьархайтан быыһаабыттарын бу кинигэҕэ ааҕан толкуйдаан көр!

Куорсуннаах.  Аптаах остуоруйалар / Куорсуннаах : [6+] ; кинигэҕэ Л. В. Степанова ойуулара туһанылынна. — Дьокуускай : Бичик, 2019. — 62, [2] : цв. ил. ;

Куорсуннаах остуоруйалара ааҕааччыны толкуйдатан, муударас аанын сэгэтэллэр. Сиэрдээх олох сүнньэ буолбут ыйытыыларга оҕо хараҕынан судургутук хоруйу тобулуоҥ. Аһыныгас, кырдьыксыт, хорсун, чугас дьоҥҥо, доҕорго бэриниилээх буолуу, кэрэҕэ талаөыы, айылҕаҕа, тулалыыр эйгэҕэ тапталы иҥэрии тиэмэлэрэ тарыллаллар.  

Корякина-Хотууна, Римма Иннокентьевна. Минньигэс түүл остуоруйалара / Римма Корякина; Марфа Егорова ойуулара . – Дьокуускай: Айар, 2024 .– 32 с. ил.

Утуйуох иннинэ остуоруйалаһыы үтүө үгэс уонна оҕо саас биир саамай истиҥ өйдөбүлэ. Күндү төрөппүттэр, эбэлэр, эһэлэр, бу аптаах кинигэ оскуолаҕа киириэн иннинээҕи кыра саастаах уонна алын кылаас оҕолоругар аналлаах кыыллар, көтөрдөр, үтүө санаалаах дьон туһунан аныгы остуоруйалар киирдилэр. Хас биирдии остуоруйаҕа саха норуодунай бэйиэтэ Иван Мигалкин бэргэн этиитэ киллэриллибит. Бу остуоруйалары эһиги сөбүлүөххүт диэн эрэнэбит.

Тобуруокап Петр Николаевич. Улаатарым буоллар мин: хоһооннор / Бүөтүр Тобуруокап ; [хомуйан оҥордо Л.П.Тобурокова ; Маргарита Яковлева ойуулара ] .– Дьокуускай: Бичик, 2018 с. – 64 с.

Кинигэҕэ норуодунай бэйээт оҕолор сөбүлээн ааҕар, кырачаан ааҕааччы уйулҕатыгар сөп түбэһэр тэттик хоһоонноро киирбиттэр.

Күннүүн оонньуур дьоллоох оҕо саас, билиигэ-көрүүгэ тардыһыы успуорка интэриэһи үөскэтии, кэрэ айылҕаҕа харыстабыллаахтык сыһыаннаһыы туһунан хоһооннору нойосуус үөрэтэн, ааҕан кырачаан киһи төрөөбүт тылын эриэккэс баайын арыйыҥ, уус тыл умсулҕаннаах суолугар үктэниҥ.

Оҕолоор, кинигэни сэргээҥ, таптааҥ, ааҕыҥ. Оччоҕо элбэх билиилээх-көрүүлээх, өйдөөхтөн өйдөөх, төрөөбүт дойдугутун таптыыр, кэрэ айылҕатын, кыылын-сүөлүн харыстыыр, бэрээдэктээх, үтүө майгылаах-сигилилээх дьон буолан улаатыаххыт.