Хатырыкская сельская модельная библиотека им. М.А.Охлопковой

Оҕолорго аналлаах күөн-күрэс тосхоло

Олоҥхоһут, норуот ырыаһыта, тойуксут Василий Николаевич Попов-Бочоох төрөөбүтэ 115 сылыгар аналлаах “Олоҥхону  уус-уран тылынан хоһуйабын”

 аһаҕас кэтэхтэн күөн-күрэс тосхоло

 Бу тосхол күөн күрэһи ыытыы бэрээдэгин, тэрийиитин быһаарар. Күрэһи Нам улууһун М.А.Охлопкова аатынан Хатырык нэһилиэгин модельнай библиотеката тэрийэр.

1. Сыала-соруга

1.1. Олоҥхоһут, норуот ырыаһыта, тойуксут Василий Николаевич Попов-Бочоох аатын үйэтитии.

1.2. Олоҥхо тылын- өһүн, уус-уран ньымаларын үөрэтиигэ, ырытыыга көҕүлээһин, киэҥ араҥаҕа тиэрдии.

1.3. Сахалыы уус-уран тылынан суруйар идэлээх оҕолору көҕүлээн айар эйгэҕэ саҥа ааттары арыйыы,  айар дьоҕуру сайыннарыы, төрөөбүт тылга умсулҕаны уһугуннарыы.

2. Ирдэбилэ

2.1. Тус бэйэ суруйуутунан  эрэ кыттыы көҥүллэнэр.

2.2. Күрэс оскуола саастаах оҕолорго ыытыллар.  

2.3. Үлэ көмпүүтэргэ, А4 кээмэйгэ 12-лээх сириибинэн 1,5 арыттаах, бэлэмнэнэр.

2.4. Туһааннаах ирдэбиллэргэ сөп түбэспэт үлэ дьүүллүүр сүбэҕэ көрүллүбэт.

3. Үлэни туттарыы

3.1. Үлэ  электроннай көрүҥүнэн туттарыллар.

3.2. Болдьоҕо: 2024 сыл ахсынньы 3 күнүгэр дылы.

3.3. Үлэ маннык электроннай аадырыска stolbybib@yandex.ru эбэтэр 89142929153 нүөмэргэ ватсабынан ыытыллар.

4. Түмүгү таһаарыы

4.1. Дьүүллүүр сүбэ састаабын, тэрийээччилэр бигэргэтэллэр.

4.2. Тэрийэр бөлөх киирбит үлэлэри нүөмэрдээн, дьүүллүүр сүбэҕэ икки бөлөххө арааран туттарар.

4.3. Тэрийэр бөлөх кыттааччылар ааттарын, дьүүллүүр сүбэҕэ түмүк тахсыбытын кэннэ биллэрэр.

4.4. Түмүк 2024 с. ахсынньы 5 күнүгэр  тахсар.

5. Биһирэбилэ

5.1. Күөн-күрэскэ  I, II,  III чыпчаал миэстэлэр уонна биһирэбил бириистэр  олохтоноллор. Бириистэри олоҥхоһут В.Н.Попов-Бочоох аймахтара, библиотека туруораллар

5.2. Күрэскэ киирбит үлэлэр В.Н.Попов-Бочоох 115 сылыгар аналлаах түмүктүүр тэрээһиҥҥэ библиотека сайдыгар электроннай  хомуурунньук буолан киириэхтэрэ.

Тэрийэр бөлөх