Хатырыкская сельская модельная библиотека им. М.А.Охлопковой

Анна Романовна, Софрон Семенович Лугиновтар Хатырыкка  1961 сыллаахха учууталынан ананан кэлэн 80 саастарыгар дылы ситиһиилээхтик, дьоллоохтук олорбут иккис дойдулара буолар. Талан ылбыт идэлэринэн бэриниилээхтик, үтүө суобастаахтык үлэлээн үлэлэрин түмүгэ үрдүктүк сыаналаммыта. Элбэх оҕону иитэн-үөрэтэн, такайан олох киэҥ аартыгар сирдээбиттэрэ. Лугиновтар Хатырык биир киэн туттар ыаллара, оҕолоро манна төрөөн, үөрэнэн, элбэх ситиһиилэнэн, көмүс ньээкэ уйаларыттан көппүттэрэ. Билигин өрөспүүбүлүкэ араас сирдэринэн тарҕанан Лугиновтар киэҥ аймаҕы тэнитэ олороллор.

Анна Романовна эһиил ахсынньы ыйга 90 сааһын бэлиэтиир ытык кырдьаҕас. Быйыл саас тапталлаах Хатырыгар кэлэн ыалдьыттыы сылдьар.  Саха АССР үтүөлээх учуутала, РСФСР методист учуутала, СӨ айылҕа харыстабылын туйгуна, РСФСР үөрэҕириитин бочуоттаах бэтэрээнэ, Нам улууһун бочуоттаах олохтооҕо Анна Кирсановна олоҕун, үлэтин билиһиннэрэр «Учуутал буолар аналым», уонна олоҕун аргыһа , педагогическай үлэ ветерана, СР үтүөлээх учуутала, Нам улууһун бочуоттаах олохтооҕо Софрон Семенович Лугинов олоҕун, үлэтин сырдатар “Дьолбутун түстээбит күндү киһибит” диэн кинигэлэрин, «Үөлээннээхтэрбитигэр үйэлээх өйдөбүнньүк» диэн ис сүрэхтэн хомуллубут хаартыскалаах альбомун М. А. Охлопкова аатынан  Хатырыктааҕы сельскэй модельнай библиотекаҕа бэлэх уунна. Кэлэн көрүөххүтүн, билсиэххитин сөп.