Хатырыкская сельская модельная библиотека им. М.А.Охлопковой

Бүгүн “Кэрэчээнэ” оҕо уһуйааныгар сомоҕолоһуу нэдиэлэтин чэрчитинэн “Биһиги күүспүт сомоҕолоһууга” диэн кинигэ быыстапкатын туруордубут. Кырачааннарга модун Россия туһунан, биһиги сахабыт сиригэр олорор омуктар тустарынан бэсиэдэ ыыттыбыт.

* * *

Маны сэргэ ХИФУ туризмҥа кафедратын уһуйааччылара кэлэн нэһилиэк уратытын көрдөрөр,  олохтоох туризмы сайыннарыыга төгүрүк остуол тэрийэн ыыттылар.

* * *

Библиотека иһинэн үлэлиир “Саха таҥаһа”  иистэнньэҥнэр түмсүүлэрэ үлэтин саҕалаата. Бүгүн түмсэн ууттан чөл туруктаах хаалбыт тикпит үтүлүктэрбитин көрдүбүт. Сахалыы бэргэһэ тиктэргэ, хаппардарбытын саҥардарга сүбэ-соргу ылынан тарҕастыбыт.